Díli, 23 Juñu 2025 - Administradora Finansas Autoridade Nasional Komunikasaun (ANC.IP) Sra. Georgina Emilia da Silva Garçia partisipa iha 𝙄𝘾𝙏 𝙁𝙤𝙧𝙪𝙢 𝙤𝙣 𝘾𝙝𝙞𝙡𝙙 𝙊𝙣𝙡𝙞𝙣𝙚 𝙋𝙧𝙤𝙩𝙚𝙘𝙩𝙞𝙤𝙣 no sai mós moderador ba orador sira husi Telkomcel, Telemor, Timor Telecom ho UNICEF hodi fahe responsabilidade: Oinsá Indústria Bele Prevene no Proteje Labarik sira Online?, iha Hotel Timor.
Forum Informasaun, Komunikasaun no Teknolojia ne’ebé organiza husi Ministériu Transporte no Komunikasaun hamutuk ho INDICCA, ChildFund no UNICEF kona-ba Protesaun Online ba Labarik iha Timor-Leste ho objetivu atu hasa’e seguransa labarik nian iha domíniu dijitál liu hosi haburas kolaborasaun no diálogu entre parte interesada oioin.
Enkuantu forum ne’e halibur ofisiál governu nian, parseiru internasionál sira, sosiedade sivíl, reprezentante setór privadu, no juventude hodi hatán ba ameasa sira ne’ebé labarik sira hasoru online no dezenvolve solusaun prátika ba prevensaun no intervensaun.